Pas borës reshjet e shiut kanë mbërthyer vendin prej ditësh dhe në zonën e Shkodrës dhe Fushë Krujës qindra hektarë tokë janë përmbytur.
Lumi Ishëm ka dalë nga shtrati duke sjellë përmbytjen në dosa zona. Të paktën 50 ha tokë janë nën ujë në fshatart Murqinë dhe Mallkuç.
Situata paraqitet kritike pranë zonave të banuara të cilat rrezikohen nga përmbytjet. Shumë shtëpi janë rrethuar nga uji.
Fshati Murqinë përmbytet për herë të tretë gjatë këtij dimri.
Ndërkohë probleme vijon të ketë edhe në Shkodër ku sa vjen dhe situata përkeqësohet. Rreth 90 ha tokë janë në ujë në këtë rreth.
Banesat në fshatin Obnot janë rrethuar nga uji ndërkohë situata vijon të përkeqësohet edhe në komunën Ana e Malit.
Ujësjellësi Oblika 1 është përmbytur ndërkohë rrezikohet edhe Oblika 2./a.m.
