Ish zëvendës ministri i Mbrojtjes, Dritan Hila, ka ndarë me miqtë e tij në Facebook një eksperiencë të shëmtuar që i ka ndodhur gjatë pushimeve të verës. Diplomati Hila shkruan se gjatë qëndrimit pak orësh në një hotel në Lefkada të Greqisë, teksa kishte hyrë në dhomën e hotelit me familjen, është ndjerë i bezdisur nga fqinji në dhomën ngjitur. Arsyeja? Ai ishte një serb që ngrente muzikën në ‘kupë të qiellit’ dhe pinte hashash, ndërsa Hila i ka dorëzuar çelësat recepsionistit që nuk veproi. Ja se ç’shkruan Dritan Hila në rrjetin social ndërsa përmend edhe Haradinajn:
Dje shkruajta nje status per bukurine e emrit qe kemi i cili me thene te drejten edhe mua mu duk pak patetik. Por nuk kaluan 12 ore dhe them qe kam bere mire. Ja pse.
Lefkada data 10 e muajit te tete. Kam zene bashke me familjen dhomen e hotelit ne ora 15. Dal pak te marr diçka ne makine dhe kur kthehem, ne dhomen ngjitur kishte filluar muzika dhe ahengu. Trokas qe ti them se kam femije te vogel. Nuk e hapin. Pas 10 min trokas prap. Asgje.
Vete i them grekut ne recepsion, dhe dal jashte bashke me familjen ti jap kohe, pasi nga dhoma ngjitur vinte edhe era e hashashit. Kthehem ne ora 23. “Trimi” ne dhomen ngjitur nga 50 decibel e kishte çuar 100.
Nga heavy metal, kishte kaluar ne turbofolk. Ishte serb dhe e kishte marre vesh qe ishim shqiptare nga targat e makines dhe e folura. Vajta prap tek greku dhe i dorezova çelesat. Ne ora 23.30 mezi gjeta hotel tjeter. Eh Ramush Haradinaj, te ruajt Zoti-thash me vete- ti e paske dite si i do mushka drute. Ndaj miq le ta duam veten me shume.
