Në rubrikën “Komenti i Ditës” në “Dritare TV”, gazetarja e njohur Rudina Xhunga na prezantoi me librin e zv.ministrit të Rendit, Aredin Shyti dhe kujtimet e tij.
Shyti ndalet gjatë në burgun e Bënçës, tregon për njerëzit që takoi aty si Nexhmije Hoxha, anëtarët e Byrosë Politike, Fatos Nano. Ai gjithashtu bën një krahasim mes 2 prillit 1991 dhe 21 janarit, dy ngjarjeve shumë të forta në vendin tonë.
“Në librin e tij zv.ministri i Rendit Aredin Shyti ndalet gjatë në burgun e Bënçës, tregon për njerëzit që takoi aty si Nexhmije Hoxha, anëtarët e Byrosë Politike, Fatos Nano. Mandej tregon për daljen n nga burgu dhe momentin kur helikopterët vinin dhe kur anëtarët e Byrosë të gjithë shkuan në burgun më të afërt në Tepelenë të dorëzoheshin sepse e tillë ishte ajo kohë.
Dhe në tregimin e Aredin Shytit ti arrin të kthehesh në kohë dhe të mundohesh të kapësh fillin e së kaluarës, sepse pa të nuk mund të shpjegosh kurrë të tashmen, të kaluarën e afërt dhe të ardhmen që pret tek dera. Ai ndalet në kujtime të ndryshme dhe këtë e bën si baba, si hetues, si shqiptar e si burrë shteti.
Ndalon më krahasime vrasjesh, në atë të 2 prillit më 21 janarin, krahasim të cilin e kam hasur për herë të parë. Ai ndalon në detaje, jo në mënyrë të politizuar. Analizon ngjarjet dhe kush i shkaktoi ato. Ndaj është një libër që nuk duhet humbur”, u shpreh Rudina Xhunga/
