Kryeinspektori Shkëlqim Hajdari, njëherësh dhe ish numri dy i Prokurorisë së Përgjithshme shqiptare është shprehur optimist për punën e SPAK, ndërkohë që nuk ka kaluar pa bërë ironi me zyrtarët e korruptuar që japin mesazhe në ditë festash fetare.
Në emisionin “Breaking” Hajdari teksa bën ironi të fortë me zyrtarët e korruptuar, zbulon lëvizjen e SPAK, i cili pritet të fillojë hetim dhe vetë me iniciativë.
“Festa e Kurban Bajramit le të shërbejë si “Mea Culpa” e të gjithë atyre shqiptarëve që kanë marrë funksione publike, të mos e përdorin këtë festë për qëllime politike, të mos dalin nëpër ekrane dhe të urojnë, pasi një pjesë e tyre është dhe e korruptuar dhe janë të pandershëm me publikun.
Dhe të mos presin Pashkët apo ditën e Kurban Bajramit, që ti bëjnë thiurrje publikut shqiptar që të jenë të përkushtuar, të flasin për solidaritet, ndershmëri, bamirësi etj., por këtë punë ta bëjnë cdo ditë. Sepse takgri që kanë ndërmarrë për të qeverisur, në nivel lokal ose qëndror, është tagër që ia ka dhënë publiku shqiptar jo për të vjedhur, jo për të bërë korrupsion, por për të qeverisur Shqipërinë me ndershmëri në shërbim të publikut.
Por dhe shoqëria shqiptare duhet të reflektojë në këtë ditë të madhe, në mënyrë që të krijohet një rrjetë e madhe, më e madhe se rrjeta e SPAK-ut, që nuk duhet të rreshtë së denoncuari, zyrtarët lokalë dhe qëndrorë, për të gjitha abuzimet që kanë bërë ndër vite. Më mirë se shqiptarët, firmat e përjashtuara nga tenderat, nuk i di askush abuzimet.
Më mirë që aksioni i SPAK ka nisur në verë se sa në dimër, pasi të gjithë ata zyrtarë dhe politikanë që do të bien në rrjetën e SPAK është më mirë të provojnë të nxehtin e qelive se sa të ftohtin.
Nga përvoja ime si prokuror kam parë se më i tmerrshëm burgu është në dimër se sa në verë. Kështu që atyre që do t’ju bjerë risku në verë të jenë të lumtur sepse do mësohen, vjen vera, pastaj vjeshta dhe dimri përballohet më mirë pasi do të mësohen.
Eshtë një proces i pandalshëm dhe jam i bindur për këtë. Tani është ndryshe, nuk është sic ka qënë ndër vite, sepse është krijuar një klimë e favorshme, ka një urrejtje mbarëpopullore për zyrtarët e korruptuar, për të cilët dhe fam,iljarët e tyre do të distancohen.
Për mua nuk ka rëndësi arrestimi, por hetiomi i tyre dhe finalja, dënimi sipas krimit që kanë kryer. Ka filluar mbarë, duke bahskëpunuar dhe me partnerët tanë ndërkombëtarë, goditja do vijë avash avash, duke u ngritur dhe në ato nivele që juve me të drejtë ju shqetësojnë.
Goditja e zyrtarëve të nivelit të dytë që kanë hedh firmat nëpër tendera korruptive nuk është jashtë në të gjitha rastet jashtë dijenisë së lidershipit të institucionit.
Jemi në afate optimale për të hetuar dhe ish zyrtarët e qeverisjes së kaluar dhe zyrtarët e kësaj qeverisje.
Ka materiale dhe dokumente të bollshme që SPAK të hetojë dhe vetë me iniciativë”, ka deklaruar kryeinspektori i shtetit dhe ish numri dy i Prokurorisë së Përgjithshme Shkëlqim Hajdari.
Ai tha se politikanët shqiptarë po e ndjejnë çdo ditë frikën e SPAK, i cili pritet që brenda këtij viti të plotësohet me të gjithë trupën e nevojshme dhe ligjore./m.j
