Ish-zevendës ministrja e Brendshme Rovena Voda është paraqitur sot në Gjykatën e Posaçme Kundër Korrupsionit dhe Krimit të Organizuar.
Voda u arrestua për korrupsion të kryer gjatë periudhës kur mbante postin e zv.ministres në Ministrinë e Brendshme.
Ish-zv.ministrja do të njihet me akuzën e dhënë ndaj saj për “ushtrim i ndikimit të paligjshëm ndaj personave që ushtrojnë funksione publike”.
Sipas të dhënave, Voda ka marrë përfitime monetare nga shtetaset, Majlinda Hasani dhe Florida Beu, në mënyrë që t’iu gjente një vend pune në administratë. Sakaq, pritet që ajo të japë deklarime lidhur me akuzat që rëndojnë mbi të.
/b.h
