Për protestën e sotme të opozitës nuk ka pasur shumë informacion se si do të veprohej. Edhe pse në media u tha se ishte një strategji e drejtuesve të PD, gjatë protesës u pa një mos koordinim mes deputetëve demokrat për marshimin që do të bënin dhe kalimi nga një institucion tek tjetri dukej si vendim momenti.
Ky mosorganizim ka irrituar disi edhe Avenir Pekën, ish-zëdhënësin e Sali Berishën dhe vëllain e Çim Pekës, i cili në emisionin “NOW” në Euroneës Albania e shprehu duke thënë se “ishte vetëm një shëtitje në Bulevard, nuk ishte strukturë dhune kjo”.
Të njëjtën gjë tha edhe drejtuesja e emisionit, Erla Mëhilli, e cila nga komunikimet që kishte me drejtues të PD, i janë shprehur se nuk po dinë nga të ikin njëri me tjetrin.
“Po mundohem mentor të marr të dhëna në kohë reale edhe nga eksponent të PD, por më thonë që nuk kanë koordinim dhe nuk po dinë nga të ikin njëri me tjetrin.
Disa janë te bashkia, të tjerë kanë ikur tek bulevardi, disa tek parlamenti. Pra ka një mungesë koordinimi nga ana e PD” – u shpreh Erla Mëhilli.
