Ish-rezidenca qeveritare e Enver Hoxhës në Durrës vijon procesin gjyqësor që prej vitit 1995 se kush është pronar i saj. Pronësinë e vilës e kërkon Shyqyri Kapedani, trashëgimtar i Sulejman Kapedanit, kreut të një familje të pasur të Durrësit, si dhe gjyshi i Admir Kapedanit, i cili në 1995 ishte kryetar i PD-së Durrës dhe zv.ministër. Procesi për marrjen e pronësisë së kësaj vile, ka kaluar në disa procesi gjyqësore, disa që i kanë njohur të drejtën familjes Kapedani, e disa të tjera e kanë kthyer këtë vendim.
Ditët në vijim pritet që të jetë seanca e radhës, dhe ndoshta të jepet vendimi nga Apeli i Durrësit. Gazeta “Shqiptarja.com” shkruan sot se në këtë proces gjyqësor është e përfshirë edhe ambasada e Serbisë në Tiranë. Sipas dokumenteve, rezulton se Sulejman Kapedani në vitin 1933 e kishte blerë truallin 500 metra katrorë për 150 franga ari dhe më 1936 ishte ndërtuar vila. Në këtë kohë, kjo vilë i ishte dhënë me qira Legatës Jugosllave dhe më 1939, Kapedani ia shet kësaj Legate me çmimin 600 franga ari. Pra, sipas shtetit, Sulejman Kapedani nuk është shpronësuar për këtë pronë, pasi nuk ka qenë pronari i saj.
Por, familja Kapedani kundërshton këtë fakt duke thënë se, në vitin 1936 vlera e vilës llogaritej 18 franga ari dhe nuk mund të jetë shitur për 600 franga ari.
Tashmë, ky proces që është ende në proces, mbetet për t’u parë nëse do t’i kalojë në pronësi familjes Kapedani, apo do qëndrojë si pronë shtetërore.
