Angelina Jolie dhe Brad Pitt kishin gjithmonë frikën se dikush mund t’ua rrëmbente fëmijët një ditë dhe të kërkonin dëmshpërblim më pas për t’i liruar.
Kjo deklaratë vjen nga ishtruproja i çiftit, i cili, për Daily Mail ka zbuluar detaje nga familja tashmë e shpërbërë pasi Angelina ka kërkuar divorcin nga Pitt.
Mark Billingham, një ishushtarak anglez nga Walsall, kaloi gati 18 muaj në krye të sigurisë për çiftin hollivudian dhe gjashtë fëmijët e tyre. Ai ka thënë se masa të ashpra sigurie janë marrë për të siguruar se nuk do t’u ndodhte gjë.
“Shqetësimi më i madh për ta ishte rrëmbimi i fëmijëve dhe kjo ka të bëjë e gjitha me paratë”.
Billingham tha se Pitt dhe Jolie ia kishin besuar fëmijët aq shumë, sa që ai ishte shumë i lidhur me ta dhe se mund t’i merrte fëmijët me vete kudo që shkonte. Ai shtoi se ka kaluar aq shumë kohë me fëmijët e çiftit, sa tha se ndjehet sikur “i ka lindur vetë, në thelb isha si një baba per ta”.
Panorama/d.i.
