Ish-truproja e Sali Berishës ka reaguar sot sa i përket zhdukjes së Remzi Hoxhës. Në një letër të hapur në gazetën Dita, Izet Haxhia i drejtohet djalit të Remziut, Ardian Hoxhës. Sipas Haxhisë, kufoma e të zhdukur është hedhur në det.
“Mos e kërko kot. Kufoma e babait tënd është hedhur në det. Të drejtohem si baba që ka vite që nuk takon fëmijët e tij për shkak të të njëjtit person” – shkruan Haxhia duke iu referuar Sali Berishës.
Remzi Hoxha është torturuar nga SHIK dhe më pas trupi i tij është zhdukur gjatë kohës që Berisha ishte president. Nën akuzë për ngjarjen janë Arben Sefgjini, Ilir Kumbaro, Avni Koldashi dhe Bashkim Gazidede. Ky i fundit, ish-kryespiuni që sot nuk jeton më. Ndërkohë, reagimi i Haxhisë vjen pak ditë pas djali i Remzi Hoxhës ka nisur një peticion në Tiranë, Prishtinë dhe Shkup. (javanews.al / a.r)
