Për Mark Lulianon, ish-trajnerin e Partizanit, duket se gjërat po shkojnë gjithmonë e më keq. Pas shkarkimit nga të kuqtë e kryeqytetit tekniku 44-vjeçar këtë herë duhet të përballet me një tjetër problem. Nuk ka të bëjë shumë me futbollin por është edhe më i rëndësishëm.
Gjithçka ka të bëjë me kohën kur ish-futbollisti i Juves drejtonte Latinën në Itali, ekzaktësisht në vitin 2015.
Presidenti i këtij klubi, Maieta, së fundmi ka përfunduar në burg pasi akuzohet se ka përdorur klubin për të pastruar miliona euro. Si rrjedhojë, indirekt i përfshirë është edhe Luliano, i cili është thirrur nga prokuroria për të dëshmuar.
Maieta, ish-deputeti italian, mendohet se i ka siguruar Lulianos qëndrimin në apartamente shtëtërore gjatë kohës që ishte trajner i ekipit. Më pas, regjistroheshin pagesa të rreme të këtyre apartamenteve për të pastruar para. Iuliano duket se i ka punët pisk.
a.ç
