Ndonëse ende nuk ka një afat se kur do të përmbyllet procesi i dëmshpërblimit, ajo që mund të thuhet me siguri është që brenda 6-mujorit të parë të vitit 2017, ish-të përndjekurit që jetojnë do të kenë përfituar 8 këstet e plota, duke përmbyllur njëherë e mirë këtë odise. Ministri i Mirëqenies Sociale, Blendi Klosi, në një prononcim për gazetën pohoi se për 2400 të dënuar që janë gjallë dëmshpërblimi do të mund të kryhet brenda këtij mandati qeverisës. Pas kësaj, i gjithë fondi vjetor që vendoset në dispozicion do të shkojë për trashëgimtarët, për të cilët ritmet e ndarjes së pagesave kanë qenë edhe më të ngadalta. “Deri në qershor të 2017-s, ne synojmë të përmbyllim procesin e dëmshpërblimit financiar për të gjithë ish-të dënuarit politikë që bëjnë pjesë në kategorinë parësore. Paralelisht do të vijohet edhe me trashë- gimtarët”, tha Klosi.
PAGESAT
Ndryshe nga një vit më parë, këtë periudhë ka pasur vonesa në ndarjen e kësteve. Edhe pse fondi vjetor nuk është zeruar, pagesat kanë mbetur në vendnumëro. Të dënuarit që bëjnë pjesë në kategorinë parësore kanë mundur të tërheqin deri më tani 6 këste, megjithatë duhet thënë se një pjesë e konsiderueshme e tyre nuk e kanë përfituar ende këtë pagesë. Një gjë e tillë nuk ka kaluar pa shkaktuar pakënaqësi në radhët e të përndjekurve, të cilëve u ishte premtuar edhe ndarja e këstit të shtatë.
Por, me sa duket, për pagesat e mbetura Kryebashkiaku: Sot Tirana është shumë më e pastër Veliaj: Në dhjetor nis nga puna kompania e pastrimit Aksioni i Bashkisë Tiranë për pastrimin e kryeqytetit Ashtu siç edhe ishte paralajmëruar, dje Bashkia e Tiranës nisi aksionin për pastrimin e kryeqytetit. Shiu i ditëve të fundit nxori edhe një herë tjetër në pah problematikën e përmbytjeve në Tiranë, duke shtruar nevojën e një gjetjeje të ngutshme përpara se situata të ngjashme të përsëriten.
Aksionit të së dielës për mbledhjen e mbeturinave iu bashkua edhe kryebashkiaku Erion Veliaj, si edhe një grup qytetarësh e vullnetarësh, të cilët iu bashkuan thirrjes. Me doreza në duar, qese të zeza dhe jelekë fosforeshentë grupet e pastrimit u shpërndanë në 24 njësitë e Tiranës. AKSIONI Aksioni nisi në orën 08:00 të mëngjesit, nga Kombinati, me pastrimin e varrezave të Sharrës, ku ishte i pranishëm edhe Veliaj, më pas vijoi në të gjitha njësitë administrative. Sipas kryebashkiakut, Tirana aktuale është shumë herë më e pastër nga ajo e një viti më parë.
“Sot Tirana është shumë më e pastër dhe besoj të gjithë e pranojnë këtë, por kemi mundësi për më mirë. Më jep shumë shpresë fakti se ka një brez të rinj qytetarësh, të cilët çështjen e pastrimit e kanë shumë për zemër edhe me shpresë do të sjellin një transformim të një gjenerate, e cila mendon më me kujdes për natyrën”, tha ai. Nisur edhe nga reshjet e fundit, ku mbeturinat shkaktuan mjaft probleme në bllokimin e kanalizimeve, Veliaj u kërkoi qytetarëve që të reduktojnë përdorimin e plastikës. “Mund të na ndihmojnë edhe ata që nuk kanë dalë për pastrim, mjafton të mos bëjnë pis. Të reduktojmë përdorimin e plastikës, e ambalazheve të tepërta”.
PASTRIMI
Veliaj deklaroi se në dhjetor do të nisë punën edhe kompania publike, një bashkëpunim mes Bashkisë së Tiranës dhe Bashkisë së Veronës, për pastrimin e kryeqytetit, ndërkohë që janë porositur edhe mjete të tjera me qëllim përmirësimin e kushteve. “Në muajin dhjetor kompania publike, bashkë me Bashkinë e Veronës, do të fillojë operimin në Tiranë. Kemi porositur edhe disa mijëra kosha dhe disa dhjetëra mjete të tjera. Nuk po kursejmë asgjë, që të administrojmë me sukses ato që ka në dorë bashkia. Ashtu si në një familje, nuk është detyra vetëm e nënës nikoqire që të pastrojë, por secili duhet të kontribuojë”, tha Veliaj. ata dhe familjarët e tyre do të duhet të presin vitin e ardhshëm.
Sakaq, edhe më zymtë shfaqet situata për trashëgimtarët. Fondi 6 milionë dollarë që u adresua për këtë kategori ka mbetur i paprekur edhe pse jemi në muajin nëntor. Më herët u tha që do të vijohej me ndarjen e këstit të dytë në kohën kur pritshëmritë shkonin edhe më tej. Por sërish asgjë. Mbi bazën e ndryshimeve ligjore të miratuara 2 vite më parë, për ata që janë gjallë adresohet 70% e fondit vjetor, ndërsa pjesa tjetër shkon për përfituesit e radhës së dytë dhe të tretë. Pas përmbylljes së procesit të dëmshpërblimit për kategorinë parësore, të gjitha paratë do të shkojnë për trashëgimtarët.
Aktualisht nuk ka një skemë të mirëpërcaktuar sesi do të ndahen këstet. Ajo që dihet është se do të respektohet radha e pagesave, që do të thotë ata të cilët kanë marrë një këst, do të përfitojnë të dytin, ata që kanë marrë të dytin do të tërheqin të tretin e kështu në vijimësi.
RIHAPJA E AFATIT
Janë mbi 13 mijë dosje në Ministrinë e Financës që presin të dëmshpërblehen. Por përveç tyre, Qeveria ka në plan të përfshijë edhe ata të dënuar, të cilët kanë aplikuar jashtë afatit dhe që dosjen e kanë në Ministrinë e Drejtë- sisë. Shumë shpejt pritet të kalojnë për miratim disa ndryshime të tjera ligjore, ku më i rëndësishëm është ai për hapjen e afatit. Janë rreth 500 të dënuar që përfitojnë nga rreth 3 mijë dosje të regjistruara jashtë afatit.
ma.me
