Petersen, i cilësuar dikur si “Mbrojtësi i Kosovës”, ka qenë një nga njerëzit që ka drejtuar UNMIK-un në Prishtinë dhe e ka inkurajuar lidërshipin e Kosovës, por largimi i mijëra kosovarëve drejt vendeve të Evropës ishte përgjigjja me qartë se klasa politike kosovare në shtatë vjetët pas pavarësisë ka dështuar të krijojë një ambient të sigurt dhe shpresëdhënëse për popullin e saj, ka thënë danezi Soren Jessen-Petersen.
Në një intervistë për median kosovarë, Petersen piketon direkt disa nga sektorët kyçë, ku Kosova ka stagnuar gjatë shtatë vjetëve të pavarësisë, përfshirë dështimin në ekonomi, arsim, në luftën kundër korrupsionit dhe krimit të organizuar e mbi të gjitha nuk ka arritur të krijojë “shpresë tek populli për vendin”.
