Arjan Adhami, ish-shefi i truprojës së Sali Berishës, ka reaguar pas deklaratave të kryetarit të Bashkisë Erion Veliaj, në mbledhjen e Këshillit Bashkiak. Në një reagim për gazetën TemA, Adhami thekson se për shkak të atyre deklaratave të kryebashkiakut ai mund të pushohet nga puna.
Sipas tij, ai është i punësuar si jurist ne sektorin juridik të Agjencisë së Mbrojtjes së Konsumatorit, institucion ky në varësi të Bashkisë së Tiranës.
“I plotësoj të gjitha kriteret e vendit të punës,kam mbaruar fakultetin juridik shteteror dhe masterin, githashtu jam i paisur edhe me licesen e avokatit. Ne debatin e Keshillit Bashkiak me dt 23.08.2015 jam akuzuar nga kryetari i Bashkisë, Erion Velia, i cili është shprehur sesi mund të punoj në bashki Arian Adhami duke nxjerrë foton time si oficer i Berishës në ngjarjet e 21 Janarit.
“Clidhje ka ky njeri të punojë si inspektor mishi në sektorin e veterinarisë.” ka thënë kryetari Veliaj
“Në fakt unë jam emëruar jurist në këtë Agjenci dhe vazhdoj të mbaj këtë pozicion edhe sot, dhe nuk kam punuar asnjë ditë të vetme si inspektor mishi. Për këtë rast kryetari është keqinformuar nga bashkëpunëtorët e vet. Kjo gjë vërtetohet lehtësisht po të pyeshesh në Agjencinë ku unë punoj.
Nga presionet e Kryetarit mua me kanë bërë letrat gati për të më hequr javës tjetër. Si mund të mos punoj në Bashki unë, kur jam lindur, rritur dhe arsimuar në Tiranë. Pse unë duhet të përjashtohem?! Përsa i përket ngjareve të 21 janarit që përmendëm, ti më njef më mirë se cdo njeri tjeter dhe e di mire korrektesine time gjate atyre viteve ku kam zbatuar vetem ligjin.” përundon reagimin e tij Arjan Adhami.
