Ish-presidentja e Kilit, Michelle Bachelet njoftoi se po tërheq kandidaturën e saj për pozicionin e Sekretarit të Përgjithshëm të OKB-së.
Kombet e Bashkuara nuk kanë pasur kurrë një grua në krye të tyre dhe vetëm një diplomat latino-amerikan, peruan, Javier Perez de Cuellar, ka shërbyer si sekretar i përgjithshme (1982-1991).
Bachelet është e vetmja grua që ka mbajtur dy herë detyrën e lartë në Kili (2006-2010 dhe 2014-2018). Ajo ka shërbyer si drejtoreshë ekzekutive e UN Women (2010-2013) dhe Komisionere e Lartë e OKB-së për të Drejtat e Njeriut (2018-2022).
“Do të mbetem aktivisht e angazhuar në misionin urgjent të ndërtimit të një bote me më shumë paqe, siguri, zhvillim të qëndrueshëm dhe respekt për të drejtat e njeriut”, tha Bachelet.
Rebecca Greenspan, ish-nënkryetare e Kosta Rikës, shihet si favoritja në garën për të pasuar Antonio Guterres, pasi ka pasur mbështetjen më të madhe në votimin më të fundit joformal të Këshillit të Sigurimit të OKB-së.
Këshilli i Sigurimit do të propozojë një kandidat që ka mbështetjen e të paktën nëntë prej 15 anëtarëve të tij dhe nuk është në rrezik të vetos nga asnjë prej pesë anëtarëve të përhershëm (SHBA, Rusia, Kina, Britania, Franca), dhe vendimi merret nga Asambleja e Përgjithshme e OKB-së.
