Ish-presidenti brazilian, Luiz Inacio Lula da Silva do të hyjë në qeveri si shef kabineti i presidentes Dilma Rousseff, u shpreh sot kreu i grupit parlamentar në Kongresin e deputetëve të Partisë së Punëtorëve (PT, e majtë) në pushtet.
“Shefi aktual i kabinetit, Jaques Wagner po ndërmerr një hap mjaft të rëndësishëm duke lënë postin. Lula do të marrë funksionet e tij, të shefit të qeverisë”, postoi në llogarinë në Twitter deputeti José Guimaraes.
Informacioni nuk është konfirmuar menjëherë nga ana e presidencës së Republikës.
Presidentja braziliane, Dilma Rousseff zhvilloi sërish bisedime mëngjesin e sotëm në rezidencën e saj me ish-presidentin Lula (2003-2010) për të rënë dakort me të mbi një përfshirje të mundshme në qeveri.
