Një gjykatë në Shkup ia ka caktuar masën e paraburgimit prej 30 ditësh, Gafurr Dugolli, ish-pjesëtar i UÇK-së që aktualisht punon në Ministrinë e FSK-së. Bujar Dugolli konfirmoi se vëllait të tij, Gafur Dugollit, gjykata në Shkup i ka vendosur masën e ndalimit prej 30 ditësh.
Dugolli për KosovaPress tha se ka rreth një muaj kohë që të shqyrtohet kërkesa për ekstradim e vëllait të tij Gafurrit në Serbi ose jo, duke theksuar se avokatët e Gafur Dugollit kishin kohë vetem tri orë që të bëjnë ankesë ndaj vendimit të gjykatës.
“Nga avokatët kuptuam se gjykata i ka vendosur një masë ndalimi prej 30 ditësh në përgatitje për procedura deri në ekstradim. Avokatët kanë afat prej tre orësh që të bëjnë ankesë ndaj vendimit. Ankesa do të shqyrtohet nga një kolegj gjykatësish, ndërsa nuk dihet nëse do të bëhet sot apo nesër”, tha Dugolli.
Gafur Dugolli u arrestua me një kërkesë të autoriteteve serbe nga policia maqedonase.
