Ish Ministri i Drejtësisë ka sulmuar kryediplomaten e BE-së Federica Mogherini fill pas deklaratave të saj në konferencën e përbashkët në Bruksel me Ministrin e Jashtëm Ditmri Bushati.
Ylli Manjani shkruan në rrjetin social se Mogherini nuk denjoi të reagonte në lidhje me vilën me çmim stratosferik që bleu vartësja e saj (Romana Vlahutin) në Tiranë, e jo më të ketë një reagim konkret për çështjen e Saimir Tahirit.
“Mogherini s’ka reaguar ende për vilën që bleu vartësja e saj këtu, ju prisni të reagojë për imunitetin e Tahirit… Respekt për Erisa Zykon, se na dha mundësinë të kuptojmë zonjën Mogherin, të cilës nuk i interesoi asnjëherë kanabizimi i Shqipërisë!”-shkruan Manjani në Twitter
Si reagoi sot Mogherini në lidhje me dosjen Tahiri
Kultivimi dhe trafikimi i drogës duhet të trajtohet në mënyrë serioze. Mos komentojmë për hetimet që janë ende në vijimësi dhe nuk do të ishte e saktë për këdo që trë bënte komente për gjyqësorin.
Trafikimi i drogës është një përparësi kyçe e BE që e ndajmë me Shqipërinë dhe është një nga elementët kyç në rrugën tonë përpara. Shoh vendosmëri dhe shoh edhe bashkëpunimin ndërmjet agjencive të zbatimit të ligjit. Shoh vullnet politik, natyrisht që duhet të shikojmë rezultate të qartë. /b.d
