Kryetari i Partisë Popullore të Serbisë, Vuk Jeremiç ka deklaruar se presidenti i Serbisë, Aleksandar Vuçiç, ka ndërmend që shumë shpejt Prishtinës t’ia dorëzojë karrigen në Organizatën e Kombeve të Bashkuara, në mënyrë që Perëndimi t’ia lejojë qëndrimin në pushtet.
“Ai së shpejti do t’ia mundësojë Kosovës karrigen në Kombet e Bashkuara”- ka thënë Jeremiç.
“Vuçiç këtë ua ka premtuar të huajve pasi ka bërë shumë koncesione, para së gjithash rreth krimit të organizuar, larjes së parave dhe tregtisë së armëve. Ai duhet ta bëjë këtë për të mbetur në pushtet”, është shprehur ai, njofton Tv Nasha.
Jeremiç mendon se Vuçiç në Berlin e ka dhënë betimin e vet se do ta nënshkruajë marrëveshjen gjithëpërfshirëse e cila Kosovës do t’i mundësojë anëtarësimin në OKB./a.m.
