Themeluesi i Partisë Demokratike dhe ish-ministri i Jashtëm në qeverinë Berisha, Besnik Mustafaj në një postim në rrjetin social “Facebook” shkruan se një nga dy votat e opozitës pro zgjedhjes së Gramoz Ruçit në krye të Kuvendit, është e liderit të opozitës, Lulzim Basha.
“Dikush me thote se njeri nga dy votuesit pro Rucit eshte vete Basha. Kush te jete tjetri?”, – shkruan Mustafaj.
Ditën e djeshme, pas betimit të 140 deputetëve të pranishëm në sallën e Kuvendit, u votua në mënyrë të fshehtë për kreun e ri të Kuvendit.
Procesi u menaxhua nga një komision prej 5 anëtarësh, 3 të mazhorancës dhe 2 të opozitës. Në fund votat për Ruçin kanë rezultuar 80 pro, 40 kundër, 1 e pavlefshme, ndërsa të tjerët, deputetët e LSI, bojkotuan seancën. /b.d
