Pas intervistave të ish shoqëruesit të Sali Berishës, Izet Haxhisë dhe deklaratës së tij se do fliste për Gazideden, Remzi Hoxhën, SHIK-un dhe ngjarjet e kohës kur ai ishte pranë Berishës, ka reaguar në facebook edhe Andrea Dimushi.
Andrea Dimushi ka qenë ish kryetar i SHIK-ut Pogradec nga Maj 92- Mars 93 dhe kryetar i SHIK Kavajë ‘93-‘94.
Dimushi shkruan:
“Në dimrin e ‘93 në fushën fare pranë liqenit të Pogradecit ulet një helikopter qeveritar me Sali Berishën, Presidentin e Shqipërisë. SHIK Pogradec u njoftua në çastin e fundit me telefon e jo me radiogram si e donte rasti. Dolëm në fushën e akullt me automatikët në sedilje të Aro-s dhe e pritëm dhe e shoqëruam… Autokollona doli nga pikëkalimi i Tushemishtit, ku oficerë me dhe pa uniformë, besoj maqedonas e serbë ngrinë gatitu e me nderim nën strehen e kapeles”– shkruan ai dhe shton:
A u takua Berisha me Gligorovin e Millosheviçin? Po. Nuk di më tej të them se përse është folur. Di që jane takuar! A mjafton kjo që po them? Jo! Izeti di më shumë se kaq. Bën mirë të kujtojë, se ka qenë atje. E njëjta skemë por me dy vetë u përsërit dhe me kthimin e Berishës në vilat qeveritare në Pogradec!”, thotë Dimushi në facebook.
