Ish kryeministri italian Massimo D’Alema ka akuzuar drejtpërdrejt Gjermaninë dhe Francën për krizën greke. Në një intervistë për mediat italiane ai ka thënë se ndihmat për Greqinë kanë shkuar në bankat gjermane dhe ato franceze.
Por si e shpjegon ai këtë deklaratë, që është e rëndë për Bashkimin Europian, pasi sipas tij të gjitha ndihmat e dhëna për shtetin helen nga vendet e eurozonës kanë shkuar në bankat e dy prej vendeve më të fuqishme.
“Në Gjermani kostoja e huamarrjes është shumë e ulët, atëherë bankat gjermane mbledhi para me me një kosto gati zero. Me këto lekë ato blejnë letrat me vlerë të Greqisë, një vend me rrezik dhe paguan norma të larta interesi 15%. Nëpërmjet diferencave në normat e interesit, “burime të mëdha janë transferuar nga një vend i varfër, si Greqia, në një vend të pasur, si Gjermani. Vendi i varfër është varfëruar gjithnjë e më shumë, vendi i pasur ka bërë përfitime gjithnjë e më shumë. Dhe ne italianët kemi dhënë ndihma jo për pensionet greke, por për të paguar bankat gjermane”, deklaroi ish kryeministri italian.
