Ish-konkurenti i edicioni të parë të ‘Big Brother VIP Kosova’, këngëtari Bruno Pollogati ka folur nëse paguhen apo jo konkurentët e Big Brother.
Gjatë një interviste në ‘Kanal 10’ në Kosovë, Bruno u shpreh se ai është paguar nga produksioni, pasi i la të gjitha angazhimet e tij vetëm për t’u bërë pjesë e formatit.
“Të gjithë janë paguar, secili mban përgjegjësi për veten se çfarë kanë folur por patjetër që paguhemi. Unë për vete jam paguar, por besoj të gjithë banorët janë paguar sepse je artist dhe ti lë obligimet e tua dhe familjen. Uunë jam mësues muzike në një kolegj në Tiranë, të gjithë janë paguar është e vërtetë”, tha Bruno.
Kujtojmë që edicionin i parë i ‘Big Brother VIP Kosova’ përfundoi me 17 mars dhe fituese i saj u shpall reperi Stresi. Katër finalistët e tjetër ishin: aktori i njohur i humorit Vedat Bajrami, modelja Xhuli Nura, aktori Artan Thaçi dhe këngëtarja Mbresa Hajrullahu.
/a.r
