Ish shefi i kabinetit të Ramiz Alisë, Guro Zeneli, thote se 8 Dhjetori është një ngjarje e rëndësishme, pasi shënon kulmin e liberalizmit dhe të përpjekjeve të tij për një ndryshim paqësor në Shqipëri.
“8 Dhjetori është një ngjarje e rëndësishme. 8 Dhjetori shënon kulmimin e liberalizimit të Ramiz Alisë dhe të përpjekjeve të tij për ndryshim paqësor në Shqipëri.
Ramizi e kontrollonte lëvizjen në kuptimin që, e mbikëqyrte siç mbikëqyrte çdo aktivitet tjetër që ndodhte në Shqipëri. Sot e kanë himnizuar 8 Dhjetorin, bëjnë festa etj. Është një datë e rëndësishme, por për shkak të Ramiz Alisë, i cili ishte liberal dhe mbajti situatën nën kontroll.
Ramizi caktoi Berishën dhe Xhelilin pasi ishin të dy nga Veriu, dhe në këtë mënyrë kontrolli dhe mbikëqyrja do të ishte më e lehtë”, ka theksuar ai.
Ish-sekretari personal i Ramiz Alisë, Guro Zeneli, tha se Ramiz Alia nuk ka qenë kurrë i interesuar që Lëvizja Studentore të shoqërohej me gjakderdhje, me vrasjen e studentëve.
“Lëvizja Studentore nuk ishte e kontrolluar nga sistemi komunist. Kryengritja e studentëve ishte e organizuar nga të tjerë. Në organizimin e kryengritjes studentore kanë luajtur rol edhe Shtetet e Bashkuara të Amerikës. Ramiz Alia ishte ai që organizoi shtetin, dhe nga ana e tij, bëri të mundur që ndryshimi i sistemit mos të bëhej me gjakderdhje”- tha Zeneli.
