Ish-këshilltari i Nishanit godet sërish: Mafia është veshur me pushtet
Ish-këshilltari i presidentit për çështjet e mbrojtjes, Piro Ahmetaj, kthehet sërish me komente kundër qeverisë në pushtet. Pasi Bujar Nishani firmosi lirimin e tij, pas tensioneve që krijoi me deputetët e mazhorancës në Kuvend, gjeneral Ahmetaj ka bërë një tjetër status në rrjetet sociale.
“Do kontribuoj me më shumë përgjegjshmëri që të tejkalohet ky udhëkryq kritik i atdheut tonë të përbashkët. Jam i bindur se me ndihmën e SHBA do mundemi t’ia dalim, siç ia doli Italia e viteve ‘80’90, që shpëtoi nga mafia me pushtet”. Ky status duket se rrëzon pretendimet e tij te mëparshme se dikush kishte hyrë në adresën e tij në Facebook, duke sulmuar deputetët e majtë në Komisionin e Sigurisë si trafikantë.
