Basketbollisti Ermal Kuqo ka shprehur hapur mbështetjen e tij për kandidaturën e Erion Veliajt në krye të bashkisë së Tiranës.
Kuqo ka publikuar në Twitter videon ku Erion Veliaj shpjegon platformën dhe vizionin e tij për Tiranën dhe pse kryeqytetit i duhet një ekip energjik që punon 24 orë në ditë në 7 ditë të javës.
Videon Kuqo e shoqëron edhe me një koment, ku thekson se kryeqytetit i duhet më shumë sesa ka parë këto 4 vitet e fundit.
“Tirana meriton më shumë se sa ç’ka parë 4 vitet e fundit. Për këtë ndryshim unë i besoj vetëm një emri” – shkruan Ish-kapiteni i Kombëtares shqiptare të basketbollit, Kuqo.
Kuqo është një nga basketbollistët më të mëdhenj që ka nxjerrë vendi ynë, duke luajtur në nivelet më të larta të baskebollit europian dhe botëror, me skuadra të njohura sllovene, kroate, spanjolle, dhe turke.
