Ish-kancelari George Osborne ka deklaruar se ekonomia e Britanisë ka “rënë nga një shkëmb” që nga Brexit dhe se ribashkimi me bashkimin doganor të Bashkimit Evropian do të ishte rruga më e shpejtë drejt rimëkëmbjes.
Osborne, i cili u shkarkua nga posti i kancelarit pasi ishte pjesë e kabinetit të David Cameron në kohën e referendumit, tha se ishte e rëndësishme të rindërtoheshin lidhjet me BE-në.
“Brexit ka qenë një rrëmujë”, tha ai për gazetën Independent.
“Britania praktikisht ka rënë nga një shkëmb. Ka pasur një ndikim të madh në ekonominë britanike. Është qartësisht më e varfër nga sa do të ishte ndryshe”, shtoi ai.
Duke pranuar se ribashkimi me BE-në do të ishte i vështirë një dekadë pas referendumit të Brexit-it, Osborne tha se lidhjet më të ngushta me Evropën mund të nxisin ekonominë.
“Do të ribashkohesha me bashkimin doganor. Është një gjë mjaft e thjeshtë për t’u bërë. Kjo nuk ishte kurrë pjesë e debatit për Brexit-in . Askush nuk e dinte që po largoheshim prej tij dhe kjo ka pasur një ndikim shkatërrues në tregti”, theksoi ai.
