Një ish-diplomat kanadez u arrestua sot në Kinë dhe organizata ndërkombëtare për të cilën ai punon kërkoi sot lirimin e tij të menjëhershëm, në një çast që Pekini shpreh zemërimin e tij për arrestimin në Kanada të një kryetareje të “Huawei”.
“International Crisis Group” (ICG), një organizatë për parandalimin e konflikteve, njoftoi se është në dijeni të informacioneve për arrestimin e Michael Kovrig, një ekspert kanadez për Azinë verilindore që në të kaluarën ka qenë diplomat në Pekin, Hong Kong dhe Kombet e Bashkuara. Nga ana tjetër autoritetet kineze nuk kanë bërë asnjë koment mbi këtë arrestim./a.meta
