Djegia e mandateve duket se ka sjellë probleme financiare në familjet e ish-deputetëve të opozitës.
Ish-ligjvënës të PD dhe të LSI kanë vërshuar në dyert e gjykatës për të kërkuar lekët si deputetë për kohën kur ata ishin të mandatuar, por për shkak të vendimit të grupit ishin në marrëdhënie të kushtëzuar (bojkot).
Tirananews.al ka siguruar paditë e deputetëve të PD dhe të LSI ndaj Kuvendit të Shqipërisë ku kërkojnë pagesat për 6 muaj muajt e bojkotit të tyre të parlamentit.
Ata i janë drejtuar Gjykatës Administrative me qëllim marrjen e rrogave të prapambetura.
Nga dosja që posedon tirananews.al rezulton se ish-deputetja Valentina Duka kërkon prej gjykatës detyrimin e Kuvendit të Shqipërisë që t’i paguajë shumën 187.090 lekë të ndaluara sipas saj padrejtësisht paga e deputeti për periudhën korrik 2018-janar 2019.
Shezai Rrokaj, kërkon që Kuvendi ta paguajë në shumën 187.261 për pot ë njëjtën periudhë. Të njëjtën gjë kërkon edhe ish-deputetja Fatbardha Kadiu e cila ka për të marrë 192.582 lekë.
Ndërkaq, deputeti Luciano Boçi kërkon detyrimin e Kuvendit që t’i paguajë shumën 319.315, shumën 107.141 leke dhe shumën 187.090 lekë të ndaluara sipas tij padrejtësisht nga paga e deputetit. Kërkesën ai e ka bërë për periudhën 01.07.2014- 01.01.2015, periudhën 01.02.2017-01.06.2017 dhe për periudhën korrik 2018-janar 2019.
Por në listën e deputetëve që i janë drejtuar Gjykatës është edhe Gert Bogdani, Oerd Bylykbashi dhe Edi Paloka.
Më konkretisht, tre deputetët demokratë kërkojnë përfitimet financiare për periudhën 01.07.2014 – 31.01.2015 dhe për periudhën 01.02.2017 – 01.06.2017, përfitime që sipas tyre, burojnë nga legjislacioni për “Statusin e Deputetit” dhe që lidhen me ushtrimin e funksionit. /tirananews.al
g.kosovari
