Gjykata e Faktit në Tiranë ka rrëzuar të dyja paditë që dy ministret teknike të Lulzim Bashës, Helga Vukaj dhe Xhuljeta Kertusha ngritën ndaj një shkrimi që Gjergj Lezhja, një nga ish-zyrtarët e lartë të Partisë Demokratike, bëri ndaj tyre në kohën kur ato u emëruan si pjesë e marrëveshjes Rama- Basha.
Çështja është apeluar nga të dy ish-ministret në Gjykatën e Apelit.
Gjergj Lezhja ka qënë një nga bashkëpunëtorët më të ngushtë të Sali Berishës, me kontribute politike ndër vite në Partinë Demokratike.
Ai ka qenë Sekretar Organizativ për më shumë se një dekadë në PD, më pas zv-ministër i Brendshëm në kohën e qeverisë Berisha, si dhe sekretar i përgjithshëm i Berishës në kohën kur ky i fundit ishte kryeministër.
Prej vitit 2013 ai ishte këshilltari i presidentit Nishani për sigurinë.
Aktualisht ai është shkëputur nga detyrimet politike dhe partiake edhe pse vijon të jetë anëtar i Këshillit Kombëtar i PD-së.
Gjergj Lezhja ka mbajtur pozicione të ashpra pas rizgjdhjes së Lulzim Bashës si kryetar i PD-së si dhe shigjetoi jo pak marrëveshjen Rama-Basha që nuk rezultoi pozitive për PD-në./a.m.
