Ish-ambasadori shqiptar në Rusi, Shaqir Vukaj, është përfshirë në debatin e fundit, që ka si epiqendër Agron Tufën dhe shpalljen kriminelë, të disa drejtuesve të lartë komunistë, nga Instituti që drejtohet nga Tufa.
Vukaj i ka dërguar një letër Gramoz Ruçit dhe Taulant Ballës, për atë që ai e konsideron skandal, pra veprimtarinë e Institucionit të drejtuar nga Tufa, dhe e akuzon këtë të fundit, si spiun të rusëve.
“Ne nuk merremi me Agron Tufën, si kryetar apo shef i këtij institucioni. Pavarësisht nga fjalët që mund të kenë thënë shokët e tij me të cilët ka studiuar në një institut në Moskë (se ai i spiunonte tek rusët, madje edhe shkruante në shtypin rus me emrin e ndonjë rusi duke i akuzuar rendë… apo se me se është marrë në Moskë mbasi ka mbaruar studimet, ku ka punuar, kujt i ka mësuar gjuhën shqipe, kush e ka paguar, ku janë e me se merren ata që ai u ka mësuar shqipen …) kjo nuk është puna e jonë. Me këto e të tjera le të merren organet e specializuara…”, shkruan ai.
/a.meta
