Ish agjenti i MI6, Christopher Steele, i cili e ka prodhuar një dosje me pohime tmerruese për Donald Trumpin, tash ka shumë frikë për sigurinë e vet, pasi që mediat amerikane ia kanë bërë publik identitetin.
Steele, 52-vjeçar, është larguar dje nga shtëpia e vet në Surrey të Anglisë, pasi që kishte kuptuar se ishte vetëm çështje kohe para se emri i tij të demaskohej në media, transmeton Express.
Një burim i afërt me Steele tha dje në mbrëmje se Steele tani ka frikë se Rusia do t’i kundërpërgjigjet ashpër atij dhe më shumë mundësi edhe në mënyrë të rrezikshme.
Raportohet se Steele i ka paketuar gjerat dhe është larguar nga shtëpia pak orë para se emiri t’i bëhej publik në media.
Steele, i cili ka spiunuar në Moskë për Shërbimin Sekret Inteligjent në vitet 1990-ta, ka ikur nga shtëpia në Surrey pasi që e kishte lënë macen e vet te fqinji, të cilit i kishte thënë se po largohej për “disa ditë”. (b.an)
