Kryeministri i Kosovës, Isa Mustafa, thotë se në fillim të muajit mars do të procedohet në Kuvend Demarkacioni me Malin e Zi.Mustafa thekson se dy muajt e ardhshëm janë vendimtar për liberalizimin e vizave.
“Ne do të procedojmë në Kuvend me ligjin për ratifikim sigurisht në fillim të muajit mars, posa ta kemi edhe raportin e Komisionit për Matjen e Territorit.
Nuk ka argument më të fortë sesa ta dimë se sa është territori i Republikës së Kosovës pas gushtit të vitit 2015 dhe sa ka qenë deri më 25 gusht të vitit 2015 dhe para nënshkrimit të marrëveshjes me Malin e Zi”, ka thënë Mustafa për televizionin publik.
Sipas Kryeministrit në dy muajt e ardhshëm vendimi për Demarkacionin për vendimtar edhe ne raportet e Kosovës me Bashkimin Europian për sa i përket liberalizimit të vizave.
“E kemi shansin e fundit e cila shans tani matet me muaj, me marsin eventualisht prillin, më vonë do ta kemi vështirë që këtë vit të realizojmë këtë të drejtë sepse disa vende të BE-së janë hy në zgjedhje dhe nuk merren më me Kosovën, do të thotë do të merren me punët e tyre të brendshme”, pohoi Mustafa, përgatiti Zëri. (b.an)
