Nikoll Lesi, ish-bashkëpunëtori i ngushtë mediatik i Ilir Metës, shkruan se ky i fundit e ka firmosur direkt shkresën për dekretimin e Ramës kryeministër.
Madje, sipas tij, Meta është ngritur nga vila në Lalëz e ka shkuar këtë të shtunë në Tiranë për ta firmosur atë.
“Shkresa e firmosur nga Damian Gjiknuri, sekretar i përgjithshëm i PS, drejtuar (sipas Kushtetutës) presidentit të Republikës se partia fituese e zgjedhjeve të 25 prillit 2021 propozon për kryeministër Edi Rama, mësohet se është protokolluar sot në mëngjes në Presidencë.
Sapo është njoftuar presidenti nga kabineti për shkresën e Damian Gjiknurit, është nisur nga shtëpia buzë detit në Lalëz për në zyrë në Tiranë.
E ka firmosur, pa u vonuar!
Pra presidenti Meta firmos dekretin për Edi Ramën si fitues i zgjedhjeve të 25 prillit.
Të hënën do jetë ceremonia e betimit të kryeministrit Rama në Presidencë”, shkruan ai.
