Departamenti Amerikan i Drejtësisë njoftoi sot se ka ngritur akuza ndaj 3 personave të lidhur me Iranin që kishin komplotuar për të vrarë Donald Trump para zgjedhjeve presidenciale.
Sipas dokumenteve të publikuara, kanë qenë zyrtarë iranianë që i kërkuan në Shtator një prej personave të akuzuar të fokusohej në vëzhgimin dhe vrasjen e Trump. Ky person sot është i lirë në Iran.
Komploti nuk u arrit të vihej në zbatim pasi u zbulua nga autoritetet amerikane.
Donald Trump u shpëtoi 2 atentateve gjatë fushatës elektorale, por nuk dihet nëse pas tyre ka qenë Irani.
