Ushtria iraniane ka deklaruar të dielën se ka marrë informacione që sugjerojnë se Shtetet e al-Anbiya tha, në një deklaratë të transmetuar nga transmetuesi shtetëror IR Bashkuara mund të rifillojnë sulmet ndaj Iranit.
Selia Qendrore Khatam al-Anbiya tha, në një deklaratë të transmetuar nga transmetuesi shtetëror IRIB, se Uashingtoni ka vendosur të ndërmarrë sërish veprime kundër Republikës Islamike, me mbështetjen e disa vendeve të rajonit.
Forcat iraniane paralajmëruan se çdo sulm i ri amerikan do të pasohej nga kundërpërgjigje ndaj interesave dhe bazave të SHBA-së në rajon. Teherani paralajmëroi gjithashtu vendet rajonale se mund të konsiderohen bashkëpërgjegjëse nëse mbështesin një agresion të ri kundër Iranit.
Tensionet mes palëve janë përshkallëzuar që prej 28 shkurtit, kur SHBA-ja dhe Izraeli nisën operacione ushtarake kundër Iranit. Teherani iu përgjigj me sulme ndaj vendeve të rajonit ku ndodheshin asete amerikane dhe mbylli Ngushticën e Hormuzit, një rrugë strategjike për transportin global të naftës dhe gazit.
