Presidenti i SHBA, Donald Trump nisi një sulm të ri ndaj Iranit, duke e përshkruar vendin si një “shtet të dështuar” dhe duke shtuar se po përballet me një kolaps në kapacitetet ushtarake dhe një krizë të thellë.
Në një postim në Truth Social, Trump pretendoi se autoritetet iraniane nuk janë në gjendje të paguajnë pagat e oficerëve ushtarakë dhe të policisë, ndërsa foli për një rritje të madhe të inflacionit dhe një zhvlerësim dramatik të monedhës kombëtare.
Në të njëjtën kohë, ai akuzoi Teheranin për një shtypje të përgjakshme të protestave antiqeveritare, duke kërkuar që të gjykohen për krime kundër njerëzimit.
“Irani është zyrtarisht një komb i dështuar. KA VDEKUR! Ata nuk kanë marinë, nuk kanë forca ajrore, nuk kanë monedhë, nuk po i paguajnë ushtarët apo policinë e tyre, inflacioni është në 300% dhe lidershipi i tyre është në rrëmujë të plotë dhe i paaftë për ta përfaqësuar siç duhet vendin.
E vetmja gjë që kanë janë LAJME TË RREME nga SHBA-të, një gatishmëri për të vrarë protestuesit e tyre (tani mbi 100,000 njerëz të vdekur. Ata duhet të gjykohen për krime lufte kundër njerëzimit!), si dhe aftësinë e tyre për të promovuar “marrëzi dhe gënjeshtra”, tha ai.
