Zëdhënësi i Ministrisë iraniane të Punëve të Jashtme, Hossein Jaber Ansari dënoi sanksionet e reja amerikane kundër programit balistik të Iranit, duke i cilësuar si të jashtëligjshme, njoftoi agjencia iraniane e lajmeve Isna.
”Sanksionet e reja, të njoftuara dy ditë më parë nga Uashigtoni janë të jashtëligjshme pasi programi balistik i Iranit nuk është konceptuar për të patur kapacitetin e kryerjes së mbushjeve bërthamore”, deklaroi Ansari.
Shtetet e Bashkuara të Amerikës njoftuan një ditë më parë sanksione të reja si kundërpërgjigje ndaj programit të raketave balistike të Iranit, pas heqjes së masave të shumta shtrënguese që shënjestronin programin e tij bërthamor, me hyrjen në fuqi të marrëveshjes së arritur në muajin korrik midis Teheranit dhe Fuqive të Mëdha.
”Pesë shtetas iranianë dhe një rrjet biznesesh me seli në Emiratet e Bashkuara Arabe dhe në Kinë iu shtuan listës së zezë financiare amerikane”, bëri të ditur Ministria e Thesarit të SHBA-së nëpërmjet një komunikatë.
