Një shkencëtar iranian është ekzekutuar me varje litar, ka bërë të ditur BBC, e cila citon familjen. Shahram Amiri u arrestua pas kthimit të tij nga SHBA në Iran, në vitin 2010.
Nëna e Shahram Amirit tha se trupi i pajetë i djalit të saj ishte kthyer në vendlindje dhe kishte shenja të litarit rreth qafës, duke treguar se ai ishte varur.
Amiri, i cili kishte deklaruar se ishte marrë me forcë nga CIA, ishte mbajtur në një vend të fshehtë pas kthimit të tij nga SHBA.
Disa raporte thonë se ai kishte njohuri të thella të programit bërthamor të Iranit.
Amiri, i lindur më 1977, u zhduk pas një pelegrinazhi në Mekë në vitin 2009.
Ai u shfaq në SHBA një vit më vonë, duke thënë se ka qenë i rrëmbyer dhe i vënë nën presion të madh psikologjik nga CIA që të japë informacione të rëndësishme.
BW/d.i.
