Me mijëra iranianë kanë dalë në rrugë duke protestuar kundra regjimit. Protestat janë zhvilluar në 6 qytetet kryesore të Iranit. Reagoi presidenti Trumpi cili deklaroi se bota po i vëzhgon, nga afër këto protesta antiqeveritare.
Një numër i madh protestuesish dolën në rrugë në qytetet Mashhad, Neyshabur, Kashmar dhe Birjand në verilindje të Iranit, duke protestuar kundër papunësisë, varfërisë dhe çmimeve stratosferike.
Protestuesit po ashtu thërrisnin, “Vdekje Rouhanit” dhe “Vdekje Diktatorit”, respektivisht në lidhje me presidentin e regjimit dhe udhëheqësin e lartë AliKhamenei.
Në solidaritet me kryengritjen e popullit të Mashhadit, banorët e Kermanshah në Iranin Perëndimor, dolën në rrugë dhe thërrisnin slogane “vdekje diktatorit”, “mos kini frikë, mos kini frikë, jemi të gjithë bashkë”, “Vdekje Rouhanit “,” të burgosurit politikë duhet të lirohen “.
Maryam Rajavi Presidentja e zgjedhur e Rezistencës iraniane tha se kryengritjet në Kermanshah dhe Mashhad dhe qytete të tjera janë shenja e vdekjes së diktaturës së korruptuar të mullahëve dhe e lindjes së demokracisë, drejtësisë dhe sovranitetit popullor.
Zonja. Rajavi u bëri thirrje të gjithë njerëzve, veçanërisht të rinjve dhe grave në të gjithë vendin, që të bashkohen me kryengritjen “Jo çmime të larta” duke thënë se “diktatura e korruptuar e mullahëve padyshim do të dështojë kundër unitetit dhe solidaritetit tuaj kombëtar, rezistencës dhe vazhdimësisë së kryengritjeve tuaja të ligjshme “.
Ndërsa Presidenti amerikan, Donald Trump paralajmëroi Teheranin se bota po i vëzhgonte, pas protestave antiqeveritare, të zhvilluara në të paktën gjashtë qytete iraniane.
Deklarata e Donald Trump
“Ka shumë njoftime për protesta paqësore nga qytetarët iranianë kundër korrupsionit dhe kundër sponsorizimit të terrorizmit jashtë vendit nga ana e autoriteteve”, tha Trump.
