Qeveria e Irakut të shtunën u bëri thirrje vendeve të huaja të ndalojnë importimin e naftës së papërpunuar drejtpërdrejt nga Kurdistani dhe të kufizojnë tregtinë e naftës.
Thirrja nga kryeministri Haider al-Abadi iu drejtua kryesisht Turqisë, një vend tranzit për të gjitha prodhimet e papërpunuara në Kurdistan, shkruan Reuters, transmeton Koha.net.
Qeveria e Irakut ka kundërshtuar gjithmonë shitjet e Kurdistanit, dhe në shumë raste ka tentuar të bllokojë dërgesat e naftës kurde.
Kurdistani prodhon rreth 650,000 fuçi naftë të papërpunuar në ditë. (b.an)
