Kreu i grupit parlamentar të Lëvizjes Socialiste për Integrim, Petrit Vasili, i cilësoi koncesionet si “praktikë negative dhe dëmsjellëse”.
“Ky shqetësim na ka shoqëruar për një kohë të gjatë. Si grup parlamentar kemi propozuar me kohë një nismë ligjore për koncesionet, nismë që është bllokuar për një vit e gjysmë nga drejtuesit e Partisë Socialiste. Transparenca parlamentare që ne propozonim ishte në drejtim të kundërt të qëllimeve që koncesionet kanë”, tha Vasili.
“Koncesionet rrezikojnë rritjen e borxhit deri në 7% dhe rrëzon premtimin e qeverisë për rritjen ekonomike. FMN flet qartë se projekti prej 1 mld eurosh që bazohet tek koncesionet është një lajm i zi për shqiptarët. FMN nënvizoi se ky menaxhim i dobët i ekonomisë ka rritur borxhet. Investimet me koncesion janë një lajm i zi për ekonominë. Sot është koha për një reflektim shumë të thellë dhe ekonomia shqiptare duhet të jetë në monitorim pasi e ardhmja ekonomike është në dyshim.”– tha Vasili.
a.ç
