Higjena e produkteve ushqimore në vendin tonë sidomos për ushqimet bazë siç është edhe buka le shumë për të dëshiruar.
Kamera e emisionit investigative “BOOM” në RTV Ora News ka bërë një vazhgim në furrat e bukës. Ajo që vihet re është se shitëset nuk përdorin doreza apo kapele kuzhine dhe si për të mos mjaftuar këto, buka vijon të shitet ende me qese.
Edhe qytetarët shprehen të shqetësuar për mënyrën si tregtohet buka dhe si i shërbehet atyre.
Në një intervistë për “BOOM”, mjeku infeksionist Xhemal Peposhi tha se kontakti me anë të duarve të papastra bën që të transmetohet mikrobi i salmonelës.
Drejtori i Autoritetit Shëndetësor Rajonal, Dritan Ulqinaku i pyetur nga gazetarja e “BOOM”, pranoi se nuk ka inspektorë për të ushtruar kontroll në çdo dyqan, duke ia deleguar përgjegjësinë institucionit të Inspektoriatit Shtetëror Sanitar.
Përgjegjësja e sektorit në Inspektoriatit Shtetëror Sanitar tha se janë marrë disa masa administrative për mospajisjen me librezë shëndetësore.
Xhemal Peposhi, mjek infeksionist: Salmonela është një mikrob që lëshon toksina, me kalimin e kohës, diareja është si i kolerës por në formë më të lehtë.
Gazetarja: Salmonela mund të kalohet nga një person tek tjetri me anë të duarve?
Xhemal Peposhi, mjek infeksionist: Me duart e ndotura patjetër. Risku kështu është sepse nuk merret me ajër, me rrugaë gastrointesinale. Duhet dorezë tek leku, sepse lekun kush nuk e qarkullon sot.
Dritan Ulqinaku, Drejtori i ASHR: Ne bëjmë monitorime të herë pas hershme aty ku kemi indicjo në aspektin e shëndetit publik, por numri i këtyre inspektimeve monitoruese është i vogël në krahasim me shpërndarjen e këtyre subjekteve. Për kontrollin e këtyre subjekteve, nëse të gjithë punonjësit e një furre buke janë apo jo të pajisur me librezë shëndetësore, mund të themi se ne nuk e mbulojmë dot këtë fushë. Është Inspektoriati Shëndetësor Shqiptar i Tiranës i cili ka të gjithë autoritetin për të penalizuar këto subjekte që nuk respektojnë ose nuk na respektojnë ne si institucion duke pajisur punonjësit e vetë që tregtojnë një produkt sic është buka.
Besa Shehu, përgjegjese sektori në ISSH: Janë rreth 20 punonjës që janë ndëshkuar me masë administrative vetëm për mospajisjen me librezë shëndetësore. Por ka pasur edhe subjekte që i kemi lënë me vendim mbyllje, janë rreth 6 subjekte të tilla. Ne shpesh herë bëjmë edhe mbjelljet e duarve të ambineteve të tavolinave të punës. Në njërën nga këto subjektet niveli në laborator i shkallës së pastërtisë dilte jashtë normave të lejuara. Është ndëshkuar edhe me një masë gjobë prej 50 mijë lekë gjobë. Ministria e Shëndetësisë ka nxjerrë edhe një çeklistë, në atë çeklistë është përfshirë, kapuçi, bluzen dhe përparsen, dorezat dhe ambalazhim e bukës. Nëse ai shërben pa këto atëherë është në shkelje ligjore.
“BOOM” bëri edhe një vëzhgim në laboratorin kimik të ushqimeve, ku kushtet linin shumë për të dëshiruar./a.m.
/Oranews
