Për të lidhur martesë në Itali është e rëndësishme lëshimi i Konfirmit për Lidhje Martesore nga ana e Konsullatës. Por para se konsullata të japë konfirmimin e saj duhet ë bëhen shpalljet për lidhje martese në bashkitë apo komunat në Shqipëri, procedurë që zgjat rreth dy javë.
Por, nëse keni gati 1000 euro dhe keni gjetur sekserin e duhur nuk ka rëndësi kjo procedurë, sepse ju martojnë brenda një dite.
“Stop” shkoi për të marrë një akt-martese në Konsullatën e Milanos, ku veprojnë sekserët.
Video-denoncimi tregon se si sekseri premton në këmbim të 1000 eurove mbylljen e të gjitha procedurave, që vajza të rezultojë e martuar me dokumenta.
Nga 1000 euro, sekseri thotë se 800 shkojnë për konsullen.
Dhe gazetarja e infiltruar arrin të “martohet”. Dokumenti që shihni në video mban firmën e Konsulles së Përgjithshme Luljeta Çobanaj.
