Pagesat dhe fshehja e parave në parajsa fiskale, duket se ishin arsyet të cilat cuan në shpalljen fajtor të ish krahut të djathtë të Presidentit amerikan Trump, Paul Manafort, i njohur në Tiranë dhe si homologu i Nick Muzin, lobistit në interes të kryetarit të Partisë Demokratike Lulzim Basha. Që kur revista amerikane “Mother Jones” publikoi një investigim mbi mënyrën e pagesave për lobim që ka derdhur PD në SHBA rreth 675 mijë USD, pati jo pak debate në politikën e Tiranës. PD fillimisht u mjaftua vetëm me zhvlerësimin e medias që botoi investigimin si një revistë inferiore dhe e paguar nga PS për të shkruajtur mbi këtë fabul, por kur të dhënat u publikuan edhe në Nev York Times dhe më pas edhe te Zëri i Amerikës në shqip, duket se PD dhe Basha nuk mund të shpëtonin lehtazi nga kjo aferë.
Artikulli i “Mother Jones” ngrinte dyshime se pas një pjese të pagesave të bëra nga kompania “Biniatta Trade LP”, me bazë në Skoci, qëndrojnë biznesmenë rusë. “Biniatta Trade LP” ishte një nga pagueset e shumës 675 mijë euroshe që i ishin derdhur për llogari të PD-së, firmës lobuese amerikane ‘Muzin Capitol Partners’, shkruan javanews.al.
Sipas deklarimeve të vetë firmës lobuese ajo i ka marrë pagesat në tre këste gjatë vitit 2017. Pagesa e parë mban datën 24 mars 2017 dhe është bërë nga firma ‘Biniatta Trade LP”, me një vlerë prej 150 mijë dollarësh, dy pagesat e tjera janë bërë nga Partia Demokratike, njëra më 27 mars, për 25 mijë dollarë, dhe tjetra më 9 qershor për 500 mijë dollarë.
Pra sikurse shikohet nga këto të dhëna, më problematikja për aferën ruse del pagesa e parë e kryer nga‘Biniatta Trade LP”, e cila rezulton e regjistruar në Edinburg të Skocisë dhe është në pronësi të një zinxhiri kompanish të regjistruara në Belizë – një shtet i Amerikës Qendrore, i njohur si parajsë fiskale. Sipas investigimit të revistës “Mother Jones”, “Biniatta Trade LP” është një partneritet i krijuar nga dy kompani: Asverro Corp dhe Liminez Commerce, për të cilat “nuk ka të dhëna publike për ndonjë aktivitet tregtar”, shkruan javanews.al.
Pas këtyre dy kompanive, sipas “Mother Jones”, qëndrojnë dy shoqëri të tjera të regjistruara në Mbretërinë e Bashkuar, “Babyonica” dhe “KF Global Management”, aksionet e të cilave zotërohen në masën 75 për qind nga dy shtetas rus, Evgeny Sheremetyev dhe Kostantin Ferulev. Këtu është edhe kleçka e financimit të Bashës, i cili përpiqet të fshihet pas gishtit.
a.me/javanews.al
