Teksa kanë kaluar dy muaj nga intervista e moderatorit të njohur të “E diela shqiptare” Ardit Gjebrea me të dënuarin përjetë Marjan Rroku, babai i Alda Canaj, Faslli Canaj i është drejtuar me një padi civile gjykatës së Tiranës, ku kërkon dëmshpërblim financiar nga Ardit Gjebrea dhe Televizioni “Klan”.
Momentalisht ndaj Gjerbreas dhe televizionit në fjalë është bërë dhe një kallëzim penal në prokurorinë e kryeqytetit për akuzën e “Fyerjes së kryer botërisht”.
Mirëpo pas kësaj padie penale, Faslli Canaj ka preferuar të ndjekë dhe rrugën civilie, duke kërkuar nga gjykata që ta dëmshpërblejë financiarisht, shkruan Shqiptarja.com. Padia është rregjistruar në 25 prill të këtij viti dhe kjo dosje civile do gjykohet nga gjyqtari Martin Deda.