Ministri i Punëve të Brendshme, Flamur Sefaj po raporton sot para deputetëve, anëtarë në Komisionin për Punë të Jashtme.
Sefaj në këtë komision ka raportuar për procesin e aplikimit të Kosovës në Interpol. Gjatë fjalimit të tij ai ka folur për takimin e që ka pasur me sekretarin gjeneral të Interpolit në Lion, Jürgen Stock.
Sipas tij, gjatë këtij takimi ata i kanë konfirmuar se Kosova nuk ka nevojë të riaplikojë për anëtarësim dhe se ajo është në agjendën e saj, vetëm se duhet të futet në rendin e ditës.
Vec kësaj, kërkesa e palës kosovare sipas tij ka qenë edhe heqja dhe eliminimi i emrave të personave nga jeta politike e Kosovës dhe ajo shoqërore, nga lista e të kërkuarve të Interpol. Sipas tij, dy ditë pasi janë kthyer nga ky takim ata edhe kanë marrë konfirmimin e Interpolit, se kanë aprovuar heqjen e këtyre emrave nga lista e Interpolit, përgatiti Koha. (b.an)
