Me kërkesë të Partisë Demokratike, në parlament u thirr sot në interpelancë Ministri i Energjisë Dmian Gjiknuri lidhur me 3 kontratat konçesionare për inceneratorët në Tiranë, Fier dhe Elbasan. PD akjuzon minsitrin për korrupsion me këto projekte.
Deputetja Jorida Tabaku, ngriti dyshime rreth fitimit të konçesioneve nga një kompani e vetme. Në deklaratën e saj ajo iu drejtua ministrit Gjiknuri se “e pret burgu”.
“Nuk di ctu them më, por të përsëris atë që tha Alibeaj që burgu 313 është gati. Megjithëse edhe burgjet do ti jepni me koncension. Një kompani me një dhomë e një kuzhinë ka marrë një koncension me 180 milionë euro. Si ka mundësi që një kompani i merr 3 koncensione? A do ndodhte kjo nëse tenderi do ishte ndërkombëtar?”, tha Tabaku.
Sipas saj “njëra prej kompanive që ka fituar koncesionin e inceneratorëve është e regjistruar në Parajsat Fiskale të Vendeve të Ulëta (Holandës) duke shtuar edhe më dyshimin për një aferë korruptive që do të ketë pasoja të rënda jo veç në financat e buxhetit të shtetit, por edhe në shëndetin e shqiptarëve. Sot, kompania që ka fituar në mënyrë të dyshimtë koncesionin e inceneratorëve ka përfituar nga buxheti i shtetit 5.2 milionë euro për impiantin e mbetjeve në Fier, ndonëse ky i fundit nuk ka nisur akoma punën e banorët janë në protestë. Gjithashtu nga të dhënat e kontratës të bëra publike rezulton se qeveria do të detyrojë OSHEE që të blejë me një çmim të përcaktuar energjinë nga ky ent. Rrjedhimisht, shoqëria koncesionare do të përfitojë edhe nga shitja e energjisë elektrike, përpos përfitimeve të tjera, duke rënduar eventualisht edhe me rritjen e çmimit të energjisë për publikun”.
Në përgjigje të akuzave të opozitës, ministri Gjiknuri theksoi se idetë që nisi PD kur ishte në pushtet po i vazhdon qeveria sot.
“Djegia e mbetjeve, alternativa me e mire. Incenerimi është një formë më moderne për mbetjet dhe përdoret si praktikë në vendet e zhvilluara. Është një nga varrezat më të pastra, dhe është teknologji e pranueshme. Strategjia e mbetjeve 2011 parashikon që baza e kësaj strategjia do të jetë mbledhja e mbetjeve. Landfillet janë formë primitive e trajtimit të mbetjeve” tha Gjiknuri./a.m.
