Ben Blushi dhe një grup prej 6 deputetësh kanë thirrur në interpelancë kryeministrin Rama në lidhje për mospasjen e një date për negociatat me BE-në. Blushi ka dhënë shembullin e tij dhe të përsonave që në vitet 90’ ishin tek të njëzetat dhe ëndërronin që në vitet 2000 vendi do të ishte i anëtarësuar. Një rast i tillë, u ka ndodhur jo pak personave, është shprehur Blushi nga aula e parlamentit, duke shtuar se mbase po këta njerëz, do të jenë në moshë të thyer kur vendi të anëtarësohet në BE.
“Shqipëria ëstë në një moment të vështirë. Një javë më parë Këshilli i Ministrave të BE-së nuk fiksoi një datë për hapjen e negociatave me vendin tonë, megjithëse qeveria kishte premtuar se kjo do të ndodhte.
Ne mendojmë se kjo shtyjre nuk do e favorizojë vendin por përkundrazi do ta dëmtojë atë.
Pesimizmi dhe skepticizmi për procesin e integrimit është rritur dhe do të vijojë të rritet. Shqipëria e vitit 2000 mendonte se do duheshin 15 vjet për tu anëtarësuar. Kanë kaluar këto 15 vite dhe akoma asgjë nuk ka ndodhur. Të paktën do të duhet një dekadë. Tranzicioni ynë po merr aq kohë sa çmori komunizmi!
Ata që ishin 20 vjeç në vitet 90’ ndoshta do të jenë në moshë të thyer kur ne të hyjmë në BE! Ky është një fatalitet dhe ky po ndëshkon brezat njëri pas tjetrit, cka është një dramë kombëtare që po i shkaknton vendit shumë mund, shumë kohë.
Kjo mund të ishte shmangur, nëse shqipëria do të ishte drejtuar ndryshe. Mendoj se sot nuk ka më asnjë alibi dhe asnjë pretendim se ka qenë Eureopa ajo që sna ka pranuar. Europa paragjykon jo shqipërinë, por krimin, ekonominë formale, dhe cilësinë e dobët të bizneseve tona.
Kundërshtarët më të mëdhenj të Shqipërisë në BE-në, nuk janë më jashtë vendit, por këtu, në këtë parlament.”- tha Blushi./java/a.k
