Një “tërmet” i vërtetë në shtëpinë e Interit: Mauro Ikardi nuk është më kapiten i ekipit. Me anë të një postimi në faqen e tyre zyrtare, klubi ziklatër ka bërë publik këtë vendim, me shiritin e kapitenit që tashmë i kalon portierit Samir Handanoviç.
Një vendim i bujshëm i drejtuesve të klubit i ardhur pikërisht në momentin më të nxehtë ku diskutimi mbi rinovimin e tij është kthyer në një çështje shqetësuese. Ikardi po kalon momentin më të vështirë që nga periudha kur ka veshur fanellën ziklatër, heqja e shiritit pritet të sjellë një reaksion të madh.
Pas këtij vendimi tifozët ziklatër janë të gjithë sy e veshë për të dëgjuar reagimin e Ikardit dhe sigurisht bashkëshortes së tij Vanda Nara. Më këtë lëvizje nuk bëhet fjalë më për rinovimin e tij, më shumë pritet të diskutohet nëse Ikardi do të qëndrojë sërish tek Interi pas përfundimit të këtij sezoni. Në një kohë kur Spaleti kërkonte një zgjidhje të shpejtë për çështjen “Ikardi”, drejtuesit e klubit i janë përgjigjur më këtë vendim surprizë, i cili me shumë gjasa do të çojë palët drejtë një divorc të pashmangshëm.
Drejtuesit e Interit, por edhe trajneri Spaleti nuk e kanë toleruar aspak fryrjen e situatës së mungesës së rinovimit nga ana e bashkëshortes-menaxhere, Vanda Nara, e cila nuk ka lënë rast pa thumbuar klubin zikaltër. Sjellja e Ikardit ka shkaktuar acarim brenda dhomave të zhveshjes dhe Spaleti nuk ka mundur dot ta durojë diçka të tillë, teksa ka gjetur dhe mbështetjen e drejtorit Marota.
Konferenca e djeshme e Luçano Spaletit pritej me kërshëri të madhe. Ndeshja e sotme ndaj Rapidit të Vjenës kaloi në plan të dytë, pasi zhvillimet e fundit në shtëpinë zikaltër kanë zgjuar interesin e të gjithë botës sportive. Spaleti ka sqaruar dënimin e Mauro Ikardit, por siç e thekson trajneri toskan, kjo është bërë për të mirën e Interit “Vendimi për heqjen e shiritit ishte diçka e vështirë dhe dhimbshme, por për të mirën e Interit.
Ai nuk është i grumbulluar pasi nuk donte të vinte me ne dhe qëndroi në shtëpi. Ai u ndje shumë keq për këtë, por dhe për ne ishte shumë e vështirë. Vendimi u mor në kohën e duhur, sepse gjerat rreth tij, shqetësonin atë dhe të te tjerët rreth tij. Tashmë duhet ta kemi të gjithë mendjen te Rapidi”.
