Çfarë kthimi! Interi e ka bërë atë që pakkush e ka pritur, duke mposhtur në shtëpi Lazion, në luftën e drejtpërdrejtë për pozitën e katërt, që siguron pjesëmarrjen ne Ligën e Kampionëve.
Lazio ishte dy herë në epërsi në ndeshjen e fundit kompionale kundër Interit. Madje qysh në minutën e nëntë, me një autogol nga Ivan Perisic.
Fiks 20 minuta më vonë në skenë doli Danilo D’Ambrosio me golin e të cilit futbollistët e Interit kthyen shpresën për fitore.Në minutën e ’41 Felipe Anderson ktheu sërish avantazhin te nikoqirët. Me këtë rezultat ekipet shkuan në pushim të meslojës.
Lazios i mjaftonte edhe barazimi, meqë kishte tri pikë më shumë në tabelë. Por Interi nuk u dorëzua. Brenda 4 minutave shënoi dy herë për të përmbysur gjithçka në rezultat dhe tabelë.Fillimisht në minutën e ’78 nga pika e bardhë shënoi Mauro Icardi. Senad Luliq u ndëshkua me karton të verdhë për të lënë Lazion me një lojtar më pak në fushë.
E në minutën ’81 në skenë doli Matias Vecino që mund të konsiderohet hero i interistëve. Goli i tij i dha fitore që e çon klubin nga Milani në topkatërshen në Seria A, e kësisoj direkt në Ligën e Kampionëve.Në minutën e ’90 te Lazio, direkt me të kuq u ndëshkua edhe Patric, për ta përfunduar ndeshjen me vetëm 9 lojtarë.
Inter e Lazio kanë nga 72 pikë, por Inter shkon tutje meqë në ndeshjet e ndërsjella kanë një barazim e një fitore për milanistët, përgatiti Koha. (b.an)
